網民熱話:巴士怪男賴死唔走 EQ高車長臨危不亂

20190430
東網電視
更多新聞短片
網民對於車長要面對死纏爛打的怪男,甚表同情。(互聯網)
巴士車長每日面對不同乘客,但有時乘客的行為,往往令車長哭笑不得。昨日(29日)網上流傳片段,一名巴士乘客到達總站後,指路程太耐,向車長申訴後,更死纏爛打拒絕落車。事件在網上熱議,有人認為該名乘客是考驗車長的耐性。
事件發生於青衣長康巴士總站,昨晨8時許。根據網民Siu Ming Ksming在Facebook群組「巴士的事討論區」上載當時車廂內的片段顯示,當42號巴士車長駛至總站準備落車之際,一名自稱泰國人的中年男乘客怒氣沖沖走走到司機位旁拍打「防襲板」,斥責車長:「你有咩問題?」車長一頭霧水下反問:「有咩問題呀?我有咩問題?」
男乘客望着車長,卻謂:「我都唔知,一個人」。車長開始顯得不耐煩,向乘客發炮:「乜嘢一個人呀?到站你就落車啦!」二人對峙一會,最終由車長打破僵局,反問對方:「你想點呀?到站落車啦!」但乘客答非所問,指摘車長冇禮貌外,又投訴乘車時間長,車長反擊說:「趕時間唔好搭巴士,巴士係慢㗎啦!」雙方互駁一會,車長面對乘客的怪行亦非常無奈,拿起水樽飲水後再度詢問對方:「咁你落唔落車呀?」乘客沉思幾秒後,看來終於覺悟,打算握手了解事件,「OK,OK,OK」,又對車長伸手說「對唔住。」
車長大方表示,「冇咩對唔住」。當以為事件終於解決,乘客又面露輕佻,「我唔落喎」。貼文未有講述最終如何結束事件,但網民看過片段後,都認為車長EQ高,「對住呢啲乘客,一句粗口都冇講過!」「雞同鴨講都講咗咁耐」。
網民有話說
Johnen Chan:呢條友係咪傻㗎,但都幾好笑
John Lo :車長好EQ
樂籽瑜:呢個司機認真犀利,咁都忍到笑
Sit Sit Margie:車長真可憐,連去廁所時間都無埋!
※緊貼網民熱話,掌握最熱話題,請關注網民熱話fb: