政Whats噏：哪吒做磁力共振　惹特權優先疑雲

西貢區議員方國珊(哪吒)今日(5日)喺社交網站Facebook(fb)上載咗張相，仲貼文話喺瑪麗醫院做磁力共振，隨即惹起網友疑惑，反問佢係區議員，係咪有優先？

話說哪吒喺fb貼文「感謝瑪麗醫院放射科，今早完成磁力共振檢查，希望血管及腫瘤保持平穏，讓我可繼續有健康身體、服務社會。」之後，好多網友喺留言鼓勵佢，為佢打氣，但亦有網友話今日係星期日，乜都有呢項(磁力共振)服務咩？亦有網友問：「閣下是區議員，排隊有冇優先？」哪吒即刻回應話「沒有優先、不同科糸，已排隊很久」。

好多網友都唔知哪吒因乜事入院做磁力共振，其實佢早喺舊年1月自爆腦內出現血管瘤，佢當時話因為佢爸爸係中風患者，所以估計係同遺傳有關，仲話會定期檢查，亦有做針灸，平日亦會做多啲運動，飲食就要多菜少肉。