政Whats噏：黎智英又攪局　一個月第三次

政府日前就修訂《逃犯條例》召開記者會，對修例寸步不讓，而立法會審議修例嘅法案委員會喺民主派立法會議員玩嘢拉布下，仍未正式展開審議工作。有關法案委員會本周六(11日)再開會，旗下報刊與民主派「大合奏」反對修例嘅壹傳媒黎智英(漢奸黎)，今晚(9日)就與同為「搞事四人幫」成員嘅「民主阿婆」前政務司司長陳方安生，以及公民黨前主席余若薇會面。唔通漢奸黎又同早前已去美國唱衰修訂《逃犯條例》嘅民主阿婆諗計攪亂檔？

漢奸黎今日傍晚6時由何文田寓所前往灣仔駱克道一家酒家，過咗大約半小時，余若薇與丈夫亦乘坐私家車到達，而民主阿婆應該好早就到咗。漢奸黎等人喺酒家逗留咗約3小時，直至晚上9時30分左右先離開。

漢奸黎先離開酒家，於行人路等候其私家車到達。余若薇與丈夫及民主阿婆就喺大堂留咗一陣先至行出嚟。雖然漢奸黎未上車，但4人已再無交談，最後民主阿婆就上咗余若薇架車離開。今次已經係漢奸黎一個月內第三次攪局，唔知又想搞啲咩嘞。