每日一片：冇收掣盲撼車尾　車主怒爆：好憎7人車

揸車要專心是常識，但馬路上總會遇上失魂司機。今日(10日)有網民分享一段車Cam片，片中一架7人車在冇收掣下，撞向在「黃格」前慢駛的前車車尾，無辜被撞的事主憤怒得在網上爆火：「我真係好憎7人車！」

現場是荃灣大涌道，該處屬大直路，當時交通亦不算繁忙。據事主上載Facebook群組「小心駕駛(討論別人駕駛態度)」影片可見，當時事主駕車開始收慢，隨後一架7人車司機疑「發緊夢」，在毫無煞車動作下，直剷向前車車尾，幸當時車速不高，7人車車身未見有嚴重損毀，但衝力下，卻令前車彈前數米。意外後，7人車司機隨即落車道歉，相信無可避免又要破財。

事主在網上發文時，怨氣十足說：「我真係好憎7人車！」有網民好奇事主為何行車途中收慢，事主解釋，原來當時正駛近「黃格」。有人直批7人車司機鹵莽，「根本無意識停車」外，有眼利網民更發現，意外後，7人車司機「落埋車都唔打死火燈」，毫無安全意識。