每日一片：司機無睇路？　紅的撞爆死火私家車

高速公路行駛要打醒十二分精神，由於車速很快，稍有不慎發生意外都會導致嚴重後果。近日有的士在公路行駛期間，疑未有留意到前面有私家車已打死火燈停低，該的士幾乎在沒有減速下撞向私家車，碰撞後的士車身跨到鄰線，此時駛至的另一輛私家車亦收掣不及，撞向的士車尾。

從撞向的士車尾的私家車所上載的車cam片可見，片段開始時的士正在快線行駛，前方有一輛私家車亮起死火燈，兩車相距至少十多米。惟的士似乎未察覺前方有車，一直未有減速，直至兩車幾乎相撞一刻才減速和扭軚，可惜為時已晚，的士撞向私家車尾部，碎片散落一地。

的士車身繼而跨到鄰線，駛至的另一輛私家車亦收掣不及撞向的士車尾，之後再撞向左邊的貨車。有網民就批評的士司機，「打咗死火燈都睇唔到」、「的士賠畀死車」。不過有人認為片主亦有責任，「車cam個司機都一樣發緊夢」、「見到前方有車打死火燈，毫無意識減速」。