政Whats噏：切除腦腫瘤住院一周　陳淑莊今日出院

違法佔領行動(佔中)案被告、立法會議員陳淑莊，今日喺Facebook貼文，話接受腦手術切除腫瘤後，住院一個星期，今日(14日)獲醫生批准出院。

佢又多謝多名為佢診治嘅醫生，由發現佢有腦腫瘤迹象、安排接受詳細檢查、為佢向法庭提供醫療報告、詳細講解手術，以至為佢順利完成手術嘅醫生團隊，同時亦聖德肋撒醫院嘅醫護人員，專業細心嘅服務，讓佢喺手術後有個安心休養嘅環境。

佔中案於上月判刑，而喺庭上透過律師表示左腦有一個直徑4.2厘米，體積大如一個乒乓球，需要進行手術，獲准押後至6月10日判刑。而佢早前喺醫院順利完成手術，切除腫瘤，有指已證實腫瘤屬良性，有可能毋須接受化療。