牆壁都攻陷？遊客「亂黐」貼紙　網民紛讚靚？

生活充滿藝術？近日紅磡有一幅充滿「特色」的牆壁，牆身滿布寫着神秘數字的貼紙，莫非是有新的街頭藝術作品？

有網民於周日（19日）在Facebook群組「To Kwa Wan 土瓜灣之友」上載照片，指牆身是「鄰國遊客的集體街頭藝術創作」。照片所見，在民樂街一間珠寶店旁的牆身上，錯落有致地貼滿了數以百計、疑似旅行團點人數的貼紙。有網友解釋：「大陸遊客去買嘢會派貼紙，咁走時咪搞成咁囉」。

有街坊指︰「一段時間會剷牆一次，但係好快會打回原形。」有不少人笑言：「遠睇又真係幾靚咁喎」、「新打卡位，唔好撕呀」、「幅牆冇問題，當係佢間舖啫，但跌落地下要人清潔嗰啲，真係好衰囉」。

---------------

《港呢啲》：大事小事騎呢事，東網嚴謹選題，輕鬆製作！