政Whats噏：在囚黃之鋒　冧莊眾志秘書長

香港眾志黃之鋒近年官司纏身，不時都要出入監獄，日前佢再因2014年佔領旺角清場引發嘅藐視法庭案須重返監獄服刑。不過香港眾志今天(21日)公布領導層換屆，佢竟然可以繼續「冧莊」出任秘書長！

香港眾志常務委員會往常只有8人，今年則新加副主席一職變為9人，由愈趨活躍嘅鄭家朗出任，且表明未來會承擔更多喺重大政治議題上嘅角色。林朗彥、陳珏軒及羅冠聰亦分別繼續做主席、副秘書長及常委，新人方面就包括今年3月衝入政府總部東翼大堂嘅何嘉柔及朱恩浩。

林朗彥話眾志自舊年宣布轉型民間政治團體後，致力以媒體創意推廣理念、組織有志的青少年，並加強直接行動街頭抗命的參與，而今屆常委會將延續呢一個方向，深化轉型，探索更多的可能性。