每日一片：司機開門唔小心　車門慘成犧牲品

開門落車，如果粗心大意，隨時出事！今日（21日）有車Cam拍得一名電動私家車司機在落車開門時，疑因未有留意路面情況，車門被駛至的車輛撞歪。

現場是大圍積信街，事發於今日早上11時45分。從網民Fanco Chow上載到Facebook群組「小心駕駛(討論別人駕駛態度)」的車Cam片可見，當時有車沿積信街向大圍道行駛，而街道兩旁都泊滿車輛，司機或想尋找泊位，一直沿路慢駛。惟駛近一架停在路旁的白色電動私家車旁邊時，電動車司機突然開啟車門落車。拍片車輛收掣不及，車頭應聲撞上車門。電動車司機未有被撞倒，算是不幸中的大幸。

網民看過片段後，幾乎一面倒狠批電動車司機不小心，認為他要賠錢的機會極高：「開門之前應該先留意路面情況」、「如果咁樣開門都冇嘢仲贏埋，真係冇天理。」