每日一片：互當透明？中港車爬頭慘變碰碰車

在馬路上要作出爬頭動作，必須留意路面狀況，更何況是車速較高的公路？今日（25日）有車Cam就拍到一架掛上中港牌的7人車連切兩線後再駛入快線，結果與剛從快線駛至的私家車碰撞。由於兩車各有失誤，結果被網民嘲笑是「高手過招」。

網民Milk Lin將片段上載於Facebook群組「小心駕駛(討論別人駕駛態度)」，現場是屯門公路，片段開始，一架掛上中港牌的白色7人車沿公路慢線一直加速從後駛至，隨後更連cut兩線爬頭駛入快線，不過期間疑未留意快線正有一架私家車駛至，兩車幾乎並排而行，最終發生車貼車式碰撞。

有網民將事件歸咎於「假期到」，估計有人是假期車司機，經驗不足下發生意外，不過亦有人認為，雖然私家車司機警覺性低，但罪魁禍首卻是7人車司機，「冇做擰頭睇盲點，根本完全睇唔到架車！」