的士車禍：目擊者指的士落斜狂衝「幾個人無晒反應」

香港仔大道近洛陽街今早(27日)發生嚴重交通意外，造成9人受傷。在附近開舖的張女士目擊事件發生，的士沿香港仔水塘道「衝落嚟」發出巨響，「有3、4個人瞓咗喺度，無晒反應咁」，幸之後回復清醒。另在豬肉舖工作的余生指當時突然聽到煞車聲，「啲人郁都唔郁」，救護車好快就趕到。

據居住上址約10多年的女街坊表示，事發附近為街市位置，平日都好多人「好逼」，加上交通燈號轉得快，「成日未行晒就轉燈，行得一半」，導致很多人逼在安全島位置，她希望有關部門可以盡快改善燈號，「耐少少啦，唔洗逼埋一齊，車撞埋嚟避都避唔開」。

另一名同樣住在上址約10年的周生則表示「好好彩」，指自己於事故前5分鐘才經過該地，他表示現場並非首次撞車，香港仔水塘道落斜「衝落嚟」，該馬路人又多，如果車速快非常危險，建議政府興建行人天橋，避免更多意外發生。