政Whats噏:要求直接表決投票 謝偉銓驚畀人話拉布?

20190529
東網電視
更多新聞短片
謝偉銓指自己已就有關議程多次表達不滿,故建議可以直接表決。
立法會議員謝偉銓(Tony)早前去信財委會,要求發展局及土木工程拓展署建議開設多個工程師職位分開表決,但佢今日(29日)就再去信表明,可以直接表決,無要求分開討論。唔通怕傾得太多,畀人話佢拉布?
Tony嘅信件提到兩份文件,涉及發展局及土木工程拓展署建議開設多個工程師職位。Tony喺信中提到,財委會現時積壓大量議程,加上有關項目喺事務委員會及人事編制小組委員會已充分討論,自己亦已表達咗業界嘅關注同不滿,所以澄清番無要求分開討論,建議可以直接表決。
由於土木工程拓展署嘅開位建議涉及嘅議程,有其他議員要求分開處理,所以財委會秘書就將Tony無要求分開討論發展局開位一事,通知政府,政府唔會安排相關官員出席會議。
Tony回覆查詢時就話,其實自己已就有關議程多次表達不滿,政府要答都答晒,呢個議程毋須重複再傾,加上財委會仲有咁多嘢未表決,覺得無謂浪費時間,自己直接投反對票就得,不過如果有其他議員要求討論,可能最終都要傾都未定咁話。