政Whats噏:律師會理事會改選 簡汝謙落敗

20190531
東網電視
更多新聞短片
簡汝謙今次獲得逾1700票,但最終因排第6而落敗。
香港律師會尋晚(30日)舉行周年大會同埋理事會改選,有9名候選人角逐5個理事會席位。國際青年商會香港總會前會長簡汝謙今次亦有參選,據悉雖然佢獲得逾1700票,但最終因排第6而落敗,未能當選做理事。同時,上年落敗嘅前理事帝理邁(Mark Daly),今年就以1902票成為票王,重返理事會。
今次律師會理事會選舉競爭激烈,據了解每位參選人都分別拎咗超過1500票,結果除咗帝理邁成為票王,江玉歡、鄭偉邦、余國堅同埋爭取連任嘅湯文龍亦當選為理事。4人分別拎咗逾1800票,其中帝理邁同湯文龍所得嘅票數只相差一票。
律師會理事會投票分為郵寄選票、親身投票同埋授權票,喺郵寄選票同埋親身投票方面,據悉帝理邁同埋另外三位落敗嘅參選人黎壽昌、廖振璋同埋黃金霏都喺依兩款選票上,每人分別獲得逾1300票同埋逾120票,其餘5位參選人喺依兩款選票上,分別只得不足600票同埋不足100票。
至於授權票方面,湯文龍、江玉歡、鄭偉邦、余國堅、同埋簪汝謙就佔優,每人分別獲得逾1200票,而同時另外4人分別都只係拎得百幾票。