政Whats噏:六四前夕 李永達李卓人又去漢奸黎屋企

20190603
東網電視
更多新聞短片
李永達(右)乘坐七人車到漢奸黎的寓所。
明日係六四事件三十周年,民主派嚟緊周日(9日)又舉行反對修訂《逃犯條例》遊行,壹傳媒黎智英(漢奸黎)今日(3日)就同民主黨(白鴿黨)前主席李永達(高達),以及工黨前立法會議員李卓人等密會攪局。三人在上周三(29日)曾搞局密會,單計高達,上月已與漢奸黎密會最少5次,點知咁快又見面,唔通漢奸黎想安排定明晚去六四晚會,兼夾為周日反修例遊行諗計搞亂檔?
傍晚6點幾鐘,喺違法佔領行動案被判囚8個月獲緩刑兩年嘅高達,以及被踢爆一度將漢奸黎秘密捐款「袋住先」長達9個月嘅李卓人等人,坐住漢奸黎安排嘅七人車抵達黎嘅何文田寓所。眾人密會約兩小時後,至晚上8點幾鐘,漢奸黎嘅七人車再載住高達同李卓人等人離開,幾分鐘後,李卓人等人先喺旺角警署正門落車,其後七人車再載高達離開。