驚險！貨Van突越線直衝　巴士車長「神閃」救全車

駛出真功夫，方為大師傅！近日有巴士行駛時險與越線的貨Van迎頭相撞，幸巴士車長反應神速，挽救全車乘客安全。

據Facebook群組「馬路的事討論區」的影片所見，周三（5日）下午約12時46分，有貨Van司機疑一時分神，壓着行車線行駛，部分車身越過對面行車線。當時有巴士迎面駛至，在雙方幾乎相撞的一瞬，巴士車長眼明手快，及時扭軚閃避。

事後巴士車長仍心有餘悸：「嗰吓真係畀佢嚇咗一跳，抽遲半秒真係畀佢埋咗單都似。」他狠批對方：「想死唔好害埋我」。

不少網民怒斥：「害人害物」、「9成係玩緊電話」、「告佢啦，呢啲馬路炸彈」，又大讚車長：「臨危不亂」、「好彩你反應快，隔籬又冇車」、「經驗豐富，救自己加乘客」。

---------------

《港呢啲》：大事小事騎呢事，東網嚴謹選題，輕鬆製作！

---------------

Click下面粒掣，儲on.cc coins！機票、家電、超市禮券、過萬份獎品等緊你。