掟汽油彈：犯罪學家指歹徒有明顯仇警情緒

灣仔警察總部外今日(7日)凌晨有警車被投擲汽油彈，相隔半日，跑馬地分區警署外又遭人「掟彈」，城大犯罪心理學家黎定基分析指，兩宗案件明顯有關連，不排除為同一人或同一個集團所為，很明顯狂徒出於憤怒、有仇警情緒，可能與某些警員有恩怨，又可能曾被警方拘捕，認為受到不公平對待等而犯案，惟當中確實原因難以預料，需要拘捕到該狂徒才可得知，但狂徒接連向警車及警署掟汽油彈縱火，絕對為挑戰警方行為，向警方作出反抗。

黎解釋，第一宗案件中，狂徒在警察總部附近等待時機，以及將車牌掩蓋，可見是有預謀犯案，又稱：「基本上任何一架警車經過，佢都會掟（汽油彈）」，因此不似針對某個人，而是有計劃性犯罪，有計劃性挑戰整個警隊。至於相距12小時，狂徒在光天化日下犯案，黎估計：「佢想挑戰權威，可能覺得之前嗰次效果唔係咁特別，想加強個效果，引起社會有大反應同震動，所以再出嚟犯案，但佢又驚畀人捉到，所以特登揀跑馬地警署落手，因為嗰度僻靜啲，警力可能少啲，佢覺得嗰度犯案之後可以走得甩，無咁易畀人捉到，所以佢唔會揀旺角警署呢啲多人嘅地方落手」。

至於狂徒一日未落網，會否有機會再犯案，黎指不能預測，惟他相信：「其實佢（狂徒）都預咗會畀人捉到，所以會小心啲，希望唔好咁快畀人捉，好似貓捉老鼠咁」。黎續稱，由於警署及街上有多部閉路電視，追蹤涉事車輛，相信警方很快便能鎖定疑犯身份，將狂徒繩之於法。