每日一片：的士先切實線再衝燈　網民：值得咩？

雖然香港人生活分秒必爭，但守規矩亦十分重要。近日有車Cam就拍到一名的士司機為一個燈位，竟連環違規，有心水清網民為司機計算，為過這個燈位，隨時被記8分兼罰款。

事發於本周四(6日)，現場是跑馬地山村道近養和醫院。片段開始，一架在右線行駛的的士在燈位前，罔顧地下劃上實線，強行切向左線，但的士司機違規動作並不止於此，當的士駛入左線後，剛巧交通燈亦轉為紅色，但的士司機一於少理，衝燈後左轉向養和醫院入口駛去。從後目擊整個過程的網民將片段上載網上，更向網民發問：「咁係咪8分？」

有網民隨即解答，「過白線3分，衝紅燈就記5分」、「一個燈位冇8分，值得咩？」。不少網民不值的士司機所為，鼓勵目擊網民「1823舉報」、「記得成套做足，送佢一程」。