逆線車東廊「表演」褪車　學童興奮狂爆金句

小朋友都知逆線？近日東區走廊有私家車逆線行駛，險直撞校巴，結果遭到車上的學童嘲笑︰「做乜逆線呀老友」。

有網友上周五（14日）上載影片至Facebook群組「馬路的事討論區」，據片段所見，有私家車駛至東區走廊近太古城翠湖台時，逆線落斜坡，嚇得迎面而至的校巴即時響號。校巴司機怒斥︰「我成車學生，爭啲畀你搞掂」。

只見私家車「知衰」，慢慢褪車上斜返回路口，回歸「正軌」。期間校巴上不少學童「鼓譟」，興奮地大爆金句︰「做乜逆線呀老友」、「影佢車牌」、「逆線逆線逆線」。

有網民笑言：「道路不合作運動？」、「佢究竟逆線行咗幾耐」、「成班細路一齊恥笑佢」。

---------------

《港呢啲》：大事小事騎呢事，東網嚴謹選題，輕鬆製作！