每日一片：私家車突切線致碰撞　反批對方「唔識揸車」

在馬路上，「cut線」前打燈是常識吧！網上流傳一段車cam片，拍片車主正轉彎，旁邊的白色私家車在「冇打燈」情況下突然切線，與車主有輕微碰撞，事後更反批評拍片司機「唔識揸車」。

有網民在FB群組「馬路的事討論區」上載有關片段，片段所見，事發昨日（17日），地點在鯉魚門道與偉發道交界。當時拍片司機從鯉魚門道轉右，入偉發道，其間左線有一架白色私家車亦轉彎。當雙方轉彎時，白色私家車突然在「冇打燈」的情況下，切去右線，累拍片司機收掣不及，導致雙方有輕微碰撞。事後雙方停下來，彼此理論，拍片司機更被責罵，「黐線」、「唔識揸車」，但拍片司機表示：「你錯定我錯，睇片啦」！

事件引起網民熱烈討論，有網民第一個反應是「做咩唔親吻佢呀」、「做乜煞車」。有網民亦表示，「報警玩大佢」、「送佢一程」。