政Whats噏:惡鬥游蕙禎 植潔鈴笑住道歉反擊

20190624
東網電視
更多新聞短片
植潔鈴(圖)拍片解釋話係揀相時「好好彩」揀中游蕙禎,佢唔知張相係游。(互聯網)
因宣誓風波而被褫奪立法會議席嘅青年新政游蕙禎,尋日(23日)喺網上公布遭有小花之稱嘅東區區議員植潔鈴盜用相片,更公開埋對話錄音證明植潔鈴認衰。不過,事件去到今日(24日)仍有下文,兩女再度出手交鋒。
話說今晨植潔鈴拍片,解釋話玩通訊軟件Telegram唔用真名同真相係常識,揀相時「好好彩」揀中游蕙禎,重申自己唔知係游而向佢道歉。不過話題一轉,植就笑住話游蕙禎已有一排無露面,暗寸佢潛水多時而唔認得佢,又話張相如網民所言,似某位男演員咁Man,說話相當有骨喎。
至於游蕙禎都唔係省油的燈,佢就喺Facebook話建制派淪落到同本土派道歉係陰公,叫植下次唔好咁話,更稱對方做「游區議員」添。