阿叔旺角施「彈弓手」　10秒內連掃2女大髀

色心起，摸大髀？近日旺角有阿叔疑向身穿熱褲短裙的女途人「落手」摸大髀。有目擊者指︰「短短數分鐘內，已看見有5、6名女途人被摸」。

目擊的女途人拍下經過後，將片段上傳至Facebook群組「24小時膠通消息報導」。她表示，在上星期六（22日）下午3時許，她在彌敦道見該大叔行為奇怪，遂一直尾隨該大叔，發現他在數分鐘內連環摸向幾名女途人的大髀。

據片段所見，當時有一名身穿牛仔短褲的媽媽拖着女兒經過，大叔突然伸出左手，輕輕觸碰了該媽媽的大腿。約10秒過後，大叔與一名身穿連身裙的女子擦身而過時，又再以手背碰了女子的大腿。

雖然當時人來人往，惟大叔會遇上其他男途人及師奶時，卻會側身閃避及縮起雙手。

網民紛紛怒斥︰「真係唔明啲變態佬諗乜嘢，掂吓都開心」、「好想拎支針拮佢要害」、「佢好似好專業，應該係職業級」。

---------------

《港呢啲》：大事小事騎呢事，東網嚴謹選題，輕鬆製作！