每日一片：鹵莽貨Van司機褪車唔睇人　阿嬸險被夾埋牆

馬路如虎口，真係睇少眼都唔得。近日有網民上載了一條約半分鐘短片，一架客貨車在褪車時險撞路過的阿嬸，幸得其他司機響按提醒，才能「避過一劫」，過程十分驚險。

網民Chan King Man今早（3日）於facebook群組「馬路的事討論區」上載該段影片。現場是旺角塘尾道，事發於今早約10時。影片開始便見一架客貨車打橫停在馬路中央，並後褪準備騎上行人路，駛入一個停車場。不過在靠近客貨車尾部，一位阿嬸撐着遮在行人路前進，雖然明知有車駛至，但仍冇有怕攝入車尾，企圖從車尾與牆身之間空罅前行，不過這一切貨車Van司機都似未有發現，繼續畀油後褪，就在千鈞一髮之際，隨客貨車後在場目擊的一名司機見狀，響按提醒，客貨車司機才如夢初醒，將車緊急煞停。目擊司機事後更忍不住爆粗，「真係夾X死人...黐X線！」

網民直言被影片嚇至「個心離一離」，大鬧客貨車司機「有冇搞錯！」「謀殺，倒車都畀大油」。有網民認為阿嬸亦有責任，「一個要衝，一個有人過緊都要後褪」。亦有網民留言讚賞響按司機，「呢一響救咗一條人命」。