每日一片：私家車轉彎自炒安全島　阿叔反應超搶眼

有時一些交通意外，總是莫名其妙地發生。近日有車Cam就拍到一架私家車在「無遮無阻」環境下，自炒路中央安全島燈箱。不過片段中最搶眼，莫過於剛在私家車前路過的一名阿叔反應。

現場是灣仔灣仔道，事發於昨日（9日）下午約1時，當時路面交通頗為擠塞，車輛都要慢駛，期間一架私家車準備由灣仔道右轉入活道，原本一直緩慢行駛，惟駛近路中央安全島位置時，私家車似突然加速，隨即將安全島上燈箱撞冧。而剛在車頭行過的一名阿叔見狀，亦展現靈活身手，飛身彈開，事後冷靜地望一望私家車及被撞毀的燈箱，便施施然離開。

網民看過片段後，都嘲笑司機「技不如人」，亦有人諷刺說：「阻住晒，梗係撞開佢啦！」亦有人認為阿叔身手了得，「睇佢彈開嗰下幾咁靈活」，笑稱一定「見慣大場面」。