政Whats噏:在囚邵家臻續刷存在感 搵人代發貼文

20190727
東網電視
更多新聞短片
邵家臻(中)曾多次申請去立法會開會,但均告失敗。
立法會社福界議員邵家臻早前因爲佔中案被判囚八個月,但佢就算坐緊監,依然繼續刷存在感,包括過去曾經多次申請去立法會開會但被拒絕,其助理亦多次代佢去信政府部門問問題,最新搞作就係搵人代佢喺社交網站貼文,質疑懲教署就囚倉壞風扇等事宜嘅回覆,話自己親身數過囚倉Hall B三樓有幾多部風扇壞咗添。
服刑中嘅佢仍然有好多搞作,最新就署方指赤柱監獄有十八部風扇壞咗,佢就質疑係點樣得出相關數字,話自己作爲赤柱監獄嘅囚友,親身數過囚倉Hall B三樓已經壞咗六部風扇,並且已經向太平紳士投訴咗添,質疑點樣確保數字準確。
此外,佢又質疑當局有冇量度囚倉內嘅通風量同溫度標準,又質疑當局話手提電動風扇嘅外殼同零件會對保安構成風險嘅話,點解鬚刨同收音機又唔會有風險。
睇嚟邵家臻雖然喺獄中,但係仍然好唔得閒,而且要自己個助理做好多嘢呀下。講真嗰句,外界成日質疑邵家臻入獄後,會唔會等同有幾個月白逗立法會嗰份人工,依家不斷去信部門同喺社交網站貼文,相信都係想證明自己同助理仲做緊嘢咁囉!