政Whats噏：新電子護照防偽技術高　四眼Cue后都變靚申請

入境處推出新一代特區電子護照，加入更多高科技防偽特徵，咁現代化，今次就特別搵咗外號Iron Man嘅音樂人郭偉亮(Eric Kwok)任代言人拍宣傳片，口號係「一創，科技里程。建立更高防偽標準。」除咗郭之外，有「四眼Cue后」之稱嘅世界桌球冠軍吳安儀幫手宣傳。

今次嘅宣傳片可謂突破咗政府嘅框框，節奏相當明快，片段仲有一個特別之處，就係吳安儀由四眼小妹妹改變形象，放下眼鏡，搖身一變成為長髮可人兒，象徵新一代護照煥然一新，一句「憑眼界，開拓自己的新世界」令人眼前一亮。

為方便市民申請，入境處分階段推出唔同嘅優化措施，首階段喺灣仔總部同其他6個辦事處，陸續推出合共28部新的申領護照自助服務站，又更新咗手機App，作為新遞交申請途徑。現時市民手持嘅第一代電子護照可繼續使用至有效期屆滿，唔需要急於換新一代護照，而護照申請費維持不變。