政Whats噏：樹根大肚腩變BB床　攬孫女享天倫樂

相信大家都想減走個肥肚腩，但偏偏立法會前議員鍾樹根就話自己個肚腩有所作爲喎，點解呢？樹根近日喺社交平台貼文話自己個肚腩可能係全世界最好嘅BB床。網上視頻可以見到佢抱住孫女放喺自己個肚腩上面，仲話歌都唔使唱佢(孫女)就瞓得着喎，又話呢條友(孫女)瞓到咁懶，啲遺傳唔好呀！

有網友就留言話好sweet呀，亦有網友問佢點解個樣咁攰，佢就答話唔鍾意湊孫，所以攰，但睇佢個樣依然好冧喎。亦有網友叫佢出返嚟選，踢走暴力，但佢就話湊孫好過。睇嚟佢都係寧願享受下天倫之樂嘞！