每日一片:私家車盲舂舂轉彎 對頭車驚險急煞

20190811
東網電視
更多新聞短片
紅色私家車疑「無睇路」下,突然轉彎,險與對行線車輛相撞。(互聯網)
滂沱大雨,揸車亦要特別小心。近日網上流傳一段車Cam片,一名私家車司機疑「無睇路」,突然橫越對行線轉彎,結果遇上迎面而至車輛,幸對行車司機反應快,及時急煞,避過一場意外。
事發在上周四(8日)晚上近10時,地點在屯門青山公路青山灣段。事主Lee Ka Ho Dean在Facebook群組「馬路的事討論區」上載該段車Cam片。從片中所見,當時天氣惡劣,傾盆大雨,雷電交加。事主駕車行駛方向交通燈亮起綠燈,於是繼續前進。惟駛近路口時,對行線一輛紅色私家車突然轉右至事主座駕車頭,在千鈞一髮之際,事主即時扭軚閃避,避過碰撞。事主事後在貼文中批評紅車司機,「天雨路滑,可唔可以望多吓先出車」。
有網民直言看過片段後,「個心都離一離」,盛讃事主「好技術」、「反應好快」、「大師父」。有網民揶揄紅車司機,「趕住去食糖水」、「咁揸車法,今日唔撞都聽日撞啦」。