每日一片：亂衝紅燈過馬路　單車男險被撞到正

過馬路太心急，隨時出事！近日網上流傳一段車Cam片，一名男子在上水騎單車過馬路時，疑誤判路面情況，有車駛來時仍然「掂行掂過」，險被撞到正。

事件發生在本月13日，地點是上水智昌路。從Facebook專頁「HongKong CarCam」上載的車Cam片可見，拍片司機駛過一個燈位後右轉入另一燈位，當時行人燈號為紅色，一名白衣男子從左方的單車徑駛至。按照正常情況，男子理應在燈位前停下，但實際上，他竟對來車視若無睹，直衝馬路。

拍片司機見狀，大叫「嘩嘩嘩」，立即收油並狂響按。單車男則絲毫沒有理會，徑自踩過馬路。幸好收掣及時，最後沒有釀成交通意外。

有網民批評涉事單車男「累人累物」、「撞死佢都唔抵可憐！」亦有網民揶揄：「單車優先你都唔識？」有人則突破盲點，直言單車男有意為之：「佢就係知你唔夠膽撞埋去！」