驚險！2個水桶連環彈　私家車閃避似打機

無妄之災？近日元朗有貨車連環飛出2個蒸餾水桶，更擊中附近一輛私家車，無辜遭殃的司機大嚇一跳，直呼︰「馬路炸彈」。

有網友在Facebook群組「馬路的事討論區」上載片段，影片所見，上周四（15日）上午近12時，有私家車沿元朗公路往天水圍方向行駛時，前方貨車的車斗內突然飛出一個蒸餾水桶，只見水桶快速滾動，彈越一條行車線，「砰」的一聲擊中私家車。

未幾，貨車斗內再次跌出水桶，滾落行車線，私家車司機急忙扭軚閃避，又響按提醒貨車。最終貨車駛至路肩停下。

私家車司機表示好在人沒事：「隔籬有大車，已盡量避，但都畀佢打中咗一吓，好彩佢都識停低…好彩我揸私家車，如果揸電單車，可能會炒」。

有網民揶揄：「玩緊真人版馬里奧賽車」、「打中玻璃都爆」、「炸彈」、「1823啦」。

---------------

《港呢啲》：大事小事騎呢事，東網嚴謹選題，輕鬆製作！