每日一片：公路飛轆！巨轆彈落橋重擊電單車

在公路上突然來襲的物件，隨時攞人命。近日網上就流傳一條驚險的車Cam片，片中有重型車行駛時突然甩轆，飛轆橫越4線後飛墮橋下，橋下停泊的電單車被巨轆擊中「倒下」，幸好未有人在場，否則後果堪虞。

事發於昨日(24日)下午約1時，現場是屯門龍富路。片段由網民上載於Facebook群組「馬路的事討論區」。片段開始不久，可見遠處突然出現巨轆，巨轆越過對面行車線，在一架行經的貨櫃車車身旁彈過，飛彈出橋下。網民隨後更貼上兩張照片，原來巨轆跌落橋下，剛好擊中地下一排電單車泊位，有電單車更懷疑因此被擊倒跌下。

事件上載網上後，網民紛紛協助還原真相。有網民表示事發時剛好在現場附近，巨轆是一架泥頭車脫下，「對面架泥車甩(轆)，我出嚟嗰時佢跪低咗」，不少網民狠批司機極危險：「開車前冇檢查輪胎螺絲帽？」有人則回應：「我諗佢哋連偈油水都冇睇，一跳上去就行」。不少網民慶幸今次沒有人受傷，「好彩冇人傷...下面有人就拜拜」。