任我行？逆線中港車博懵　亂入行人過路處

中港車扮人過馬路？近日有中港車疑貪方便，逆線駛上行人過路處，惹來網民狠批︰「交番個牌出嚟啦」。

有網民周日（25日）上載片段至Facebook群組「馬路的事討論區」，影片所見，在深旺道近聚魚道交界，當時行人路正值紅燈，惟有中港車剷上行人過路處，打算匯入前方的車流，往深水埗方向離去。

發貼者表示：「我估佢係想偷雞逆線入港灣豪庭停車場。佢一轉彎就打晒燈慢慢行去逆線燈位，如果唔係有車響按叫停佢，必然逆線衝入去」。

有網友揶揄：「擺明係過緊馬路啦」、「不如考番個牌喇」、「中港牌有乜岀奇」、「燈又唔開，抄兩張」。

---------------

《港呢啲》：大事小事騎呢事，東網嚴謹選題，輕鬆製作！