每日一片：貨Van逆線行　為甩身仲要衝紅燈

以為職業司機一定熟路，其實未必！近日有車Cam就拍到一架客貨車在馬路逆線行，期間遇上對行線巴士轉彎，陷進退兩難之際，竟「一錯再錯」，衝紅燈離去。

現場是荃灣安賢街，片段由路人所拍攝。片段開始，一架客貨車在馬路慢駛，原來該段路屬單行線，客貨車逆線而行一直駛至荃景圍路口，期間一架巴士正準備從荃景圍駛入安賢路，客貨車一度退後讓巴士駛入，但似乎仍然「唔夠位」，兩車一度在路上僵持，最終客貨車竟選擇駛出路口，衝紅燈離開。

網民看過片段後都大呼客貨車離譜，「真係唔識揸車」、「逆線加衝紅燈，不X知所謂」、「都話考牌要考埋智商啦」。不過亦有人錯重點，將目光放在這架新款客貨車身上，「新嘢來呀！」、「肯定係新車銷售廣告」、「交番個牌出嚟，好快有部新款XX系停牌平售」。