小巴疑避減速壆　逆線轉彎落斜　網民︰驚扽親？

小巴連霸2條行車線？近日旺角有小巴司機疑「偷位」逆線轉彎落斜，險與上斜私家車迎頭相撞，惹來網民怒呼要投訴。

據Facebook群組「小心駕駛（討論別人駕駛態度）」的影片所見，周四（19日）上午約9時23分，有司機沿太子道西駛上新世紀廣場停車場時，甫一轉彎，驚見一輛專線小巴竟越過雙白線，在2條行車線中間迎面而至。千鈞一髮之際，小巴扭軚返回「正途」，私家車司機亦嚇得急煞響按。

該司機定下心神後，怒斥：「逆線雙白，仲要轉彎位。學人偷懶，X你老X」。有網民揶揄：「好明顯避減速壆」、「佢驚扽親啲恩客」、「1823，做得」。

---------------

《港呢啲》：大事小事騎呢事，東網嚴謹選題，輕鬆製作！