政Whats噏：畀人偷相兼冒名　何啟明自嘲「何啟明」太普通

網上騙案成日有，好多人一唔小心就墮入陷阱，立法會議員何啟明喺Facebook上載咗張相，話有人用佢嘅名同相喺通訊軟件Telegram群組冒充佢，仲講咗唔少嘢，當佢知道後就覺得好無奈，感嘆Fact Check真係好重要，提醒街坊要小心有人假冒身份，防止受騙。

喺相入邊見到個群組叫「搜捕曱甴隊」，有人留言話清潔運動照原定廿一號舉行，而「何啟明」頭像嘅人就回應「有咩要幫忙？」隨即就有網民好熱情同佢打招呼，話「何先生、何律師你好」。

何啟明話係人都知Telegram特色係用假相假名，邊有人用真名真相回應咁話，又自嘲話可能個名太普通，已列入網民選擇嘅常用網名，個個都叫何啟明，咁點分呀？