政Whats噏：太太被的士撞　侯志強話唔追究

上水鄉事委員會主席侯志強(侯強)經常語出驚人，相信大家對佢都有深刻印象。有讀者今早(30日)目擊其太太喺上水符興街畀的士撞倒，侯強聽到消息都嚇一驚，好彩太太腳傷無大礙，佢亦話唔會追究喇！

上水符興街一向人多車多，有讀者報料話侯太今早就喺該處被一輛新界的士撞倒，我哋問過侯強，佢亦證實事件，不過佢當時非在現場，而喺事發地點附近飲茶，聽到太太出事嘅電話都嚇親，幾分鐘內仆到去現場，好彩太太只係整親隻腳屬小事，當堂放心晒。

侯強仲話太太傷勢唔重，毋須入醫院，費時去一去搞成日咁煩，自己搵醫生睇一樣搞得掂。佢又勞氣地話的士佬顧住搵食擒擒青，不過最緊要人無事，健康先重要，所以費時追究涉事司機，當做件好事，而現時都會特別照顧太太咁話。今次侯太算係不幸中嘅大幸，希望佢早日康復喇！