政Whats噏:住所下有警車 黃之鋒騰騰震

20190930
東網電視
更多新聞短片
黃之鋒都唔係第一次坐囚車。
最近連續數日各區已經出現多次大型公眾活動,加上網上已傳聽日(10月1日)都會有六區集會,十一前夕,香港眾志秘書長黃之鋒話佢住所樓下有警車停泊,仲話好擔心。其實佢咁驚,莫非「身有屎」?
家住海怡半島嘅黃之鋒喺Facebook發文話,今朝準備落樓擺街站,但係就收到街坊用Whatsapp通知佢,話見到海怡港鐵站出口有警車停泊,仲影埋相畀佢睇。黃之鋒即刻話知道咗之後好擔心再次畀人拉,「話晒聽日就係十一」,仲話唔知警方唔會唔重施故技,好似八三一前一日喺屋企樓下拉佢,之後就表示最後落樓都冇事發生。
其實黃之鋒之前喺8月30日朝早離開屋企去海怡港鐵站途中,遭警員拘捕,涉嫌「煽惑他人明知而參與未經批准集結」等三項罪名,同日押解往法院出席聆訊,獲准保釋,案件押後至11月8日。但係點解佢今次又咁驚畀人拉呢,莫非佢心知又做錯咗啲乜嘢?