每日一片：7人車硬Cut險撞　的士閘停「私了」？

若遇上交通意外，絕大部分人會即時報警，不過意外未釀成，條氣又唔順，又會點處理？近日一段車Cam片就直擊一架的士險被違規轉線7人車撞上，結果的士司機採取非常手法。

事發於昨日(10日)傍晚7時20分，現場是銅鑼灣興發街，當時的士沿興發街往東區走廊方向行駛，至維園道交界時，交通燈轉為綠燈，一架在強制右轉的7人車突然切雙白線，駛向的士方向，險與的士發生碰撞，幸的士司機眼明手快，及時扭軚閃避。事後，7人車並未因此停步，反而踩油開車離去。

的士司機疑不服氣，開車追截，最終在約300米外天橋上將車截停。目擊司機形容：「最後紅跑(的士)司機落咗車」。由於拍攝的車輛在此時駛走，未知最終如何了結事件。

雖然有人讚賞的士司機反應快，未致釀成意外，不過追車做法就未免太鹵莽，「走去前面閘人？隨時畀人告危險駕駛」，「的士BB要爆喇！」亦有人好奇的士司機落車後如何，「係咪私了？」