政Whats噏:為林健鋒慶生 張華峰蛋糕牌玩神秘

20191022
東網電視
更多新聞短片
張華峰(中)細心為林健鋒(左二)準備祝福語。(陳宛彤攝)
因應近期嘅示威浪潮,唔少地方為咗避開政治漩渦寧願自設審查,蛋糕店都係其中一些有自我審查嘅地方,立法會議員張華峰(肥老闆)今日為黨友慶生準備生日蛋糕,仲話蛋糕牌寫咗四隻字,唔通係敏感詞?
議員林健鋒今日獲一大班黨友提早慶祝生日,講飲講食最叻嘅肥老闆就好有心咁預備生日蛋糕,而呢期嘅示威口號多數都以順口同入腦為主,唔少都係四隻字,所以當肥老闆話蛋糕牌寫咗四隻字時,立即惹人遐想囉。
肥老闆非常口密,直到要切蛋糕時先開估,就係大玩食字「鋒」平浪靜,啱晒近期嘅社會氣氛。林健鋒對於呢句祝福語都非常收貨,話現時感受到平淡同平安並唔簡單,大嘆平安是福,希望香港盡快平靜,做到風平浪靜,唔好再打打殺殺喎。