政Whats噏：多區路障移除　漢奸黎隨即攪局

香港出現前所未見嘅暴力示威浪潮，持續發生逾5個月都未見停止，過去一周嘅暴力又再升級，多條主要幹道被截斷令香港交通陷入「半癱」狀態，情況終於喺今日(16日)稍為紓緩，多區路障被移除。而被內地官媒狠斥為「叛國禍港四人幫」之首嘅壹傳媒黎智英(漢奸黎)卻旋即又再攪局，似乎想香港繼續亂。

漢奸黎喺過去一周多次喺其位於何文田寓所與人密會，今午又派出七人車管接管送咁同人見面，分別有因違法佔領行動案被判囚8個月但獲緩刑兩年嘅民主黨前主席李永達(高達)、涉同案而入獄8個月嘅社民連副主席黃浩銘，以及工黨立法會前議員李卓人。

3人喺今日下午3點15分抵達漢奸黎寓所，高達再次坐喺副駕駛座，而後排位置又同樣鬼鬼祟祟咁落咗窗簾，好似見光死一樣。3人最終逗留約兩小時，直至傍晚再乘搭漢奸黎嘅七人車去到旺角警署外，黃浩銘獨自沿彌敦道走人，高達同李卓人乘搭港鐵離開。

香港混亂情況稍稍有所改善，但漢奸黎急不及待，4日內兩次與高達、李卓人密會，次數如此頻密，唔知背後又想搞乜囉！