政Whats噏：黎智英一連兩晚與李柱銘攪局　密密傾足3句鐘

社會動盪不安，被內地官媒炮轟為「叛國禍港四人幫」之首嘅壹傳媒黎智英(漢奸黎)就頻頻攪局，唯恐天下不亂咁款。話說漢奸黎尋晚(12日)先至與同被內地官媒批評為「叛國禍港四人幫」嘅民主黨(白鴿黨)創黨主席李柱銘(李漢奸)，喺寓所密會多名外籍人士，今晚(13日)兩人竟然又再攪局，同場仲有因為違法佔領行動案而被判囚8個月、緩刑2年嘅白鴿黨前主席李永達等多名白鴿黨成員。

今日晚上大約6時30分，李漢奸、李永達、白鴿黨前立法會議員「AV仁」何俊仁等，齊齊坐漢奸黎司機駕駛嘅七人車到達漢奸黎何文田嘅寓所，坐車頭嘅李永達木無表情，AV仁就同李漢奸坐車廂中間，後座仲有白鴿黨議員林卓廷及工黨前立法會議員李卓人，眾人抵達後就匆匆步入寓所喇，仲逗留咗3小時先離開。

其實漢奸黎噚晚先至同樣喺其寓所，同其左右手Mark Simon、李漢奸，以及多名外籍人士密會，今晚又再次攪局，唔知又喺度密謀乜嘢大計去搞亂香港喇。