政Whats噏:梁福元製10萬支漂白水派街坊 斥抬價商家無良心

20200221
東網電視
更多新聞短片
梁福元預料處理過後,將會有近10萬支漂白水。(馮子健攝)
新冠肺炎陰霾下,市民搶購包括口罩同酒精搓手液等防疫物資,就連漂白水、紙巾等日常用品都成為搶購目標,導致價格高昂。十八鄉鄉事委員會前主席梁福元都突發奇想,買咗大批漂白水,莫非佢都想囤積,拎嚟高價炒賣?
梗係唔係啦,梁福元只不過見市民冇漂白水用,所以入咗大批原材料,打算整完之後,拎去派畀有需要嘅市民,目前已經派咗過千支啦。佢又話,修理風波引起嘅示威活動已經搞到香港唔得掂,依家部分商家仲炒賣物資,形容係「發災難財」,仲話會間接影響市民生命添!
至於一支漂白水成本係幾多?梁福元話入咗3噸原材料,經過稀釋同處理過後就會有9噸漂白水,平均每支漂白水只係個幾銀錢,大鬧商家炒到30、40蚊冇良心!佢又話,漂白水要經過稀釋先可以畀市民用,否則好容易有腐蝕作用,預料處理過後,將會有近10萬支漂白水。最後佢笑言:「口罩冇幾多啦,但我有漂白水呀,幫到幾多咪幾多囉!」