政Whats噏:立會通過修訂指引 議員可取回跨區辦事處開支

20211021
東網電視
更多新聞短片
地區直選議員日後可取回跨區營運辦事處、派發宣傳用品嘅開支。
立法會通過修訂《立法會議員申請發還工作開支的指引》,包括容許地區直選議員可以申請發還喺所屬選區以外設立同營運地區辦事處、派發宣傳用品嘅開支。雖則呢兩項建議相對最具爭議,喺41位議員中,有32位支持建議,另外有9位冇意見,但仍獲相關委員會一併通過所有修訂。
因應處理議員提出發還工作開支申請嘅運作經驗,立法會秘書處檢討現行規則,建議修訂指引,提高處理申請嘅成效同效率。立法會議員酬金及工作開支償還款額小組委員會通過6項修訂,將於下屆立法會生效。
除咗上述提到嘅2項建議,其餘4項都全部獲得39位議員表態支持,有2位表示冇意見,建議包括議員日後唔需要再就每張收據填寫電子文本核簽同作出聲明等。