政Whats噏:幫商戶申請政府基金 邵家輝竟被鬧爆?

2021年10月21日 17:01
東網電視
更多新聞短片
邵家輝曾因政見而遭某商戶鬧爆。(馮子健攝)
突如其來嘅新冠肺炎疫情,一度重創本地嘅經濟活動,幾近冰封嘅市道令商戶叫苦連天。批發及零售界議員邵家輝就話,喺疫情嚴峻嘅時候,儘管唔少中小微企需申請政府各種基金渡過難關,但邵亦都試過被某商戶鬧爆喎,究竟搞邊科呢?
話說疫情初期,曾有商戶因政治立場而同鬧爆邵,然而經濟低迷,該商戶終歸都要申請政府提供嘅支援基金。遭對方「鬧鑊甘」嘅邵諗咗諗,都係決定唔講政見、撇開個人恩怨,幫該商戶申請,仲話幫完之後,大家就冇再嘈交,畢竟市民最緊要都係有啖安樂茶飯。
講起任內發生乜嘢事令佢印象特別深刻,佢就話社會事件期間,唔少建制派人士被起底,而佢曾經試過因為有人揚言要去佢屋企,搞到要連瞓3晚酒店。今屆立法會因為延任,任期較歷屆長,邵笑言議會內冇留低遺憾,因為提出嘅好多條例都已經被否決咗喇,依然會選擇盡能力去做,亦相信業界見到自己有努力咁話喎。