政Whats噏:入境處推60周年限量版薯片 派畀職員分享喜悅

2022年05月14日 17:02
東網電視
更多新聞短片
入境處推出「60周年限量版薯片」。
今年係入境處60周年,佢哋決定破天荒推出「60周年限量版薯片」,市面上絕無僅有,包裝上印咗入境處60周年設計標誌,仲有2名身穿夏季制服的「迷你版」入境處職員人像,玩味同創意十足,味道仲好唔錯添!
消息人士話,入境處為慶祝部門成立60周年,同答謝一眾同事在抗疫期間嘅付出,會喺5月下旬送限量版薯片畀入境處人員,增加士氣又可以當零食,一舉兩得。除此之外,入境處之前仲設計咗多款實用紀念品,包括2款60周年版口罩同卡套等,希望同事一齊分享「甲子」喜悅。
入境處成立至今已經60年,一直與時俱進力求創新,不單止喺設施同系統上不斷追求突破,就連慶祝活動上都別出心裁,未來1年仲話會進一步數碼化服務,包括出入境及簽證服務等。