政Whats噏：梁熙向百歲人瑞請教養生之道　 健康生活青春心態最重要

端午節將至，按傳統習俗大家都會食糭應節。議員梁熙今天(28日)就落區派糭畀一眾老友記，期間一齊聽粵曲之餘，仲即場向佢哋請教「養生之道」。

梁熙喺社交平台帖文，提到現場其中一位老友記今年剛好100歲，但身手依然矯健、中氣十足，而且腰骨直，反應敏捷，令年輕60幾歲嘅梁熙自愧不如。梁熙又提到，原來當區街坊會稱呼該伯伯做盧華師傅，養生之道係每日早睡早起，朝早5時半起身，6時半到維園教六通拳，然後再去飲茶，晚上8時就瞓覺，生活健康又充實。

佢又講到自己今年37歲，自嘲係「超齡青年」，有時都會諗吓如果自己老咗會變成點樣。但相信心態決定境界，就好似伯伯咁精靈，明白到健康生活，青春心態，無論幾多歲都會達到青年境界。不過佢話要8點就寢、5點半起身又真係難啲咁話。