政Whats噏：香港經濟轉型　林筱魯寄望高端製造

曾幾何時，輕工業喺香港發展逢勃，但後來隨往工業北移、經濟發展嘅重心移向服務業，「香港製造」變得乏人問津。不過議員林筱魯就覺得香港製造業有機會復甦，而佢所持嘅其中一個理由，就係香港有「獨角獸」，仲要有6隻咁多添！

所謂「獨角獸」，其實係指估值達10億美元以上嘅初創企業。林筱魯話香港再次企係經濟轉型嘅分岔口上，高端製造業有望接棒，加上香港喺設計方面嘅底子好厚，所以佢相信未來一定可以透過智能創新科技擦亮「香港製造」品牌。

之不過，當香港遇到產業轉型嘅時候，會否出現偏重於新行業，舊行業遭到冷落從而導致原先嘅優勢不再呢？林筱魯就話唔擔心，其實高端製造業並唔係單純做創科，反而可利用金融服務業，做埋品牌創造。佢認為香港依家最迫切嘅係「追落後」喎。