車Cam直擊：屯公客貨車失控衝左再插右　後車司機扭軚避一劫

網上流傳一段車Cam影片，顯示今晨(23日)約10時29分，拍片車輛沿屯門公路往屯門方向的快線行駛，駛至青龍頭豪景花園對開時，前方一輛客貨車懷疑失控，突然車身打橫衝入慢線，「舞龍」搖擺一番之後，又再橫闖中線及快線停下。

此時，駕駛拍片車輛的司機被客貨車擋路，不禁嚇得「嘩」一聲，幸好他在千鈞一髮間扭右閃避，驚險避過相撞。由於情況「險過剃頭」，片主及同車乘客避過一劫後，亦連連爆粗宣洩不滿，「嘩......佢點樣呀佢......黐X線！」

從畫面所見，涉事客貨車橫亘路中心時，其車頭已經損毀，相信是撼撞慢線的石壆所致。據了解，涉事46歲司機僅受輕傷，他報稱因路面有油漬導致車輛失控。執法人員其後封鎖現場部分行車線，正調查車禍成因。