車Cam直擊 : 屯門Tesla攔腰撞小巴　司機疑睇錯孭仔燈肇禍

屯門有司機疑睇錯孭仔燈釀車禍。昨日(25日)晚上10時許，一輛Tesla電動車沿屯興路行駛，姓徐 (26歲)司機擬右轉駛入支路往屯門公路時，攔腰撞向對面線一輛往市中心的專線小巴，意外中，幸無人受傷。警員到場調查意外起因。

有車Cam拍下意外一刻，影片見Tesla駛經的屯興路為3線行車，左一線為直去，中線及快線為右轉；上址燈位裝有「孭仔燈」，意外時直去燈號為綠燈，右轉燈號為紅燈，當時Tesla沿中線右轉入支路，疑司機睇錯燈號肇禍。