英超Fever：李城3淫將 泰國召妓片段瘋傳

李斯特城喺剛過去球季成功護級，本身好值得高興，不過領隊皮亞臣親生仔占士皮雅臣，聯同2名隊友，竟喺球隊泰國宣傳之旅召妓，3人同妓女雜交仲拍晒片，飛返英國後就send畀其他隊友欣賞。呢段片段依家已經曝光，3人於片段入面極盡荒淫，並不斷向妓女講種族歧視語句，真係離晒大譜！

「狐狸」班主維猜係泰國人，佢趁英超球季完結，就叫班波到泰國宣傳，希望提升李斯特城於泰國嘅知名度，點知3名小將唔生性，搞出大頭佛。3名球員包括占士皮雅臣、湯賀柏同阿當史密夫，佢哋「未紅先淫」，好兄弟到於酒店房內同當地妓女雜交，期間仲不斷講種族歧視說話，真係聽到人火都嚟。阿占士仔咁搞法，唔單止自己隨時冇得撈，仲可能影響埋老竇仕途，真係唔生性！