港超聯　簽埋梁子駿！南區愈執愈好人！

新一季將重返頂級聯賽的南區，在新任主帥鄭兆聰積極組軍下，愈執愈好人！繼早前落實簽得門將謝德謙、中堅杜馬思、後衞沈國輝和前鋒卡里爾後，據悉已成功簽得近兩季効力東方的「握手哥」梁子駿。梁子駿能勝任左、右中場及後上前鋒等多個進攻位置，加上處理中距離罰球亦有一手，絕對是好使好用！

據熟識梁子駿的友人表示，「握手哥」自所以提出離開Big4分子東方，主要是希望爭取更多的上陣機會，好讓兒子「皓霆」長大後，記得爸爸是一位職業足球員，是靠踢足球賺錢養大他。

「握手哥」，為人父的都會明白你的想法，畀心機呀！